رواية جحيم شمس الفصل الخامس عشر 15 بقلم رشا منصور
خلي التواصل بتاعك نستفيد منه ووسوس في دماغه من دلوقتي
دكتور خالد.... تمام اعتبره حصل
وانتهت المكالمة وقرر خالد أنه يتواصل مع نسيح علشان يلعب في دماغ صفوان
وبدء خالد وهو في اوضته ينادى يا نسيح يا شمس حد هنا لكن مافيش رد وبعدين قال
طب يا قريني خلي نسيح يحضر حالا
وبعد دقائق بسيطه نسيح حضر
لسه دكتور خالد هيشرح له الخطه
نسيح.... قاله عارف وكنت معاهم هناك وسمعت المكالمه كلها وبلغت قرين صفوان وهو حالياً بيقوم بواجبه
دكتور خالد 🙃 بالسرعه دى
نسيح . أومال فاكرنا زي البشر يومكم بسنه
دكتور خالد ..... طب ما دام أنت صاحب قدرات كدا ممكن تقولى ع حاجه عندي فضول واعرفها
نسيح..... اسأل ع طول
دكتور خالد.
هو متولي البواب كان فعلاً عاوز يستفاد من ميراث شمس علشان كدا خدها ووداها عند أخته من غير ما يعرف حد
نسيح ....
متولي وأخته وجوز أخته دول اللى فعلاً زعلانين ع شمس بجد وحبوها فعلاً
والمشكلة أن صفوان ناوى بعد ما يفتح المقبرة وياخد الدفينه أنه يغدر ب متولي ويخلص منه
دكتور خالد....
ايه وأحنا هنسكت له وهو عمال يموت في الكل كدا من غير ما يتحاسب
نسيح ...
يوم الحساب أقرب مما تتخيل وأنت هتشوف نهايته بنفسك
دكتور خالد.... طب فهمني ايه اللى هيحصل
نسيح.... كل حاجه بوقتها يا دكتور لكن لازم تعرف قد اقترب وقت الانتقام
دكتور خالد.....
فجأة نسيح اختفي من قدامى وقومت خرجت من اوضتي أقعد مع هاله بنتي وقولت اعملها أكله حلوة بقالنا كتير عايشين ع الدليفري
وفضلنا نضحك ونهرج طول ما أنا بعمل الأكل حاولت اعوضها عن الوقت اللى انشغلت فيه عنها
هاله ... بابا أنا 😔😔
مالك يا قلب بابا قولي يا هاله في إيه
هاله...
ماما وحشتني أوى أوقات كنت بحس أنها جمبي كنت أفضل اتكلم واحكي لها كل حاجه بعملها بس أنا نفسي أشوفها يا بابا 😭
دكتور خالد ....
دموعه نزلت مقدرش يخبي حزنه هو كمان مشتاق ل مراته جدااا وحضن بنته هاله وفضلوا يبكوا هما الاتنين لحد ما ......
لحد ما فجأة حس بحد واقف جمبهم
بص خالد بسرعه لقي شمس واقفه كان لسه هيكلم بس بص ع بنته وسكت
هاله.....
شمس أنتي جيتي وحشتيني كانت بتكلم والدموع تملأ عينها بقلم رشا منصور
شمس.... أنتى جميله أوى يا هاله وفيكي شبه من مامتك
هاله.... أنتى تعرفي ماما شوفتي مامتي يا شمس
شمس....
أول مرة جيت البيت هنا فيها لقيت مامتك موجودة ولما ظهرت خافت عليكي وفضلت جمبك ولما عرفت حكايتي أطمنت وطلبت مني أن اتعرف عليكي ونلعب سوى
هاله....
يعني ماما معايا ومش سابتني شوفت يا بابا أنا دايما كنت حاسه بها ولما كنت بتسألني بتكلمي مين أقولك بلعب مع العرائس بتاعتي
شمس .... مامتك عمرها ما بعدت عنك روحها في البيت لأنها بتحبك أوى وبتحب عمو خالد
دكتور خالد ....
ع أد ما كان فرحان باللي سمعه ع أد ما كنت مش متخيل أنه هيجي اليوم وهصدق في الأرواح
شمس.....
دلوقتي أنا همشي بقي وأنت يا عمو خالد أنا جيت أقولك ياريت تطمن عمو متولي لأنه خايف أوى من صفوان وتسافر الصعيد تطمن ماما زينب أخت عم متولي قولها أنا بحبها أوي هى وبابا مجدي كنت بحس انى بنتهم بجد
دكتور خالد..... أنا هكلم أحمد وو.... شمس أنتى روحتى فين
هاله...... شمس مشيت حاول يا بابا تجيب حقها من عمو الوحش ده
دكتور خالد.....
خد هاله في حضنه وقالها متخافيش يا حبيبتي
هعمل كل اللى اقدر عليه
أنا لازم أعرف من نسيح إيه اللى ناوى عليه صفوان قبل ما اكلم أحمد
ونطلع ع الصعيد علشان نشوف الضابط أحمد والشيخ إسماعيل
الشيخ إسماعيل يا أحمد يابني أنا في حاجه عاوز اقولك عليها
الضابط أحمد . اتفضل يا عم الشيخ خير في إيه
الشيخ إسماعيل....
فى واحد إسمه الشيخ خميس عامل خيمه في الأرض اللى فيها البير الراجل ده يابني ساحر ومخاوي ووجوده هنا معناه أن اللى بيحصل ده كله بسببه
ومعناه أن ده مش بير ميه يابني ده تمويه لكن المقصود به أنهم يحفروا للكنز المدفون واظاهر متفقوش مع الراصد ولما البنت اتقدمت له كان قاصد أنه يحصل حرب بين عشائر الجان
الموضوع يابني شكله كبير مش سهل
الضابط أحمد.....
أفرض أن كلامك كله صح ده معناه أن علشان يوصلوا للكنز لازم يصالحوا حارس الكنز وده معناه أنك لما تعمل هدنه معاه خميس الدجال ده مش هيقف في طريقك بالعكس أنت كدا بتساعده يوصل للي هو عاوزة
الشيخ إسماعيل....
أنت عاوزنى يابني بعد العمر ده أشارك في سرقه أثار واساعد ساحر كمان أستغفر الله العظيم لا حول ولا قوه الا بالله
الضابط أحمد....
أهدي اهدي يا عم الشيخ أنا استحاله أطلب منك كدا أنت عارف أنى ضابط شرطة يعني شغلتي اقبض ع المجرم واطهر البلد منهم أنا كل اللى محتاجه منك تساعدنى علشان اقبض عليهم متلبسين بالجريمة فهمتني
الشيخ إسماعيل.... أن كان كدا يابني أنا هساعدك
ونروح للشيخ خميس اللى قاعد في خيمته وبيفكر يعمل إيه لو معرفش يصلح الراصد ممكن يموته ولو نجي منه هيهرب إزاى من صفوان باشا ورجالته
فجأة حضر أحد خدام خميس وكان يدعي خابث
الشيخ خميس....
إيه اللى جابك هنا مش قولتلك تابع اللى بيحصل بره ولو حصل جديد بلغني بقلم رشا منصور
الجن خابث...
احضرت لك خبر جديد ويهمك بالتأكيد
الشيخ خميس ... قول اللي عندك
الجن خابث.... الضابط المسؤول عن القضية حضر معه شيخ من علماء الدين وطلب منه يعمل هدنه مع الراصد شماهوس
الشيخ خميس....
أنت بتقول إيه طب تفتكر هيقدر عليه
الجن خابث.... هو يجلس في المسجد الآن ولا استطيع الدخول هناك ولكنه قال بأنه بيستعد وجعل شماهوس حالياً يهدئ من غضبه واطفئ النار في البير. ....
تفتكروا الشيخ إسماعيل هيقدر يعمل الهدنه وايه هيكون رد فعل خميس الدجال
طولت البارت أهو علشان محدش يزعل
يتبع.....
